|
Info 2002-07-19 |
Det har vore ei roleg veke. Det lettar trykket på ein tillitsvald når både personalsjefen og mange av medlemmane er på ferie!
Eg har nytta denne veka til å prøve å få oversikt over dei protokollane og avtalene vi har med bedrifta som framleis gjeld. Elles har eg vore i kontakt med journalsisten i PETROmagasinet om artikkelen frå Rønningen. Eg trur det vert bra.
I samband med lønsoppgjeret har eg fått spørsmål om det rentefrie lånet skal aukast frå 150.000 til 200.000. Det skal det ikkje. Vi var samde med bedrifta i fjor om at dette lånet ikkje skulle utvidast vidare. Forhandlingsutvalet fekk også klare signal frå medlemmane i fjor om at dei ikkje ville ha ei samanblanding av lønstillegg og lån. Inntil foreninga gjer andre vedtak vert det altså ikkje reist krav til bedrifta om å utvide lånet.
Så får eg ynskje alle god helg.
God ferie til dei som byrjar på det i dag.
Helsing Hans